Berrikuntzak txartelen lagapenetan
Berrikuntzak txartelen lagapenetan
App bidezko lagapenez gain, bazkideek bere txartela Klubari edo beste norbaiti laga ahal izango diote webguneko Txokotik zuzenean. Partidetarako lagapenak zabalik Girona eta Atleticoren aurka
Athletic Cluben webgune ofizialean Bazkideen Txoko berriaren estreinaldiak berrikuntzak dakartza txartel lagapenetan, San Mames estadiora bertaratzea areagotzen ari den funtzionaltasuna are gehiago errazteko.
App ofizialaren bidez (beste pertsona bati edo klubari) eta telefono bidez (900 909 709) lagatzeko aukerez gain (orain arte bezala), orain bazkideek bi aukera horiek egin ditzakete Bazkideen Txokotik zuzenean, beren datuak berriro sartu beharrik gabe.
Horretarako, menuko ESTADIORAKO LAGAPENA/SARBIDEA atalean sartu, aukera hautatu (klubari laga edo beste norbaiti laga), partida aukeratu eta prozesuaren bi urratsak jarraitu behar dituzte, partidaren baieztapena jaso arte.
Klubari lagapena eginez gero, normalean bezala egin ahal izango da (partida hasi baino 24 ordu lehenago arte), eta eserlekua saldu ez bada bakarrik berreskuratu ahal izango da. Eserlekua klubak saldu badu, bazkideak salmentaren prezio garbiaren %50 jasoko du ordainketa bakarrean (saldu diren lagapen guztiekin) denboraldiaren amaieran. Une oro, bazkideak lagapenen saldo metatua ikusi ahal izango du Txokoaren atal horretako NIRE LAGAPEN SALDOA atalean. Saldo hau hurrengo partidatik aurrera (vs Girona FC) hasiko da pilatzen, orain arte saldutako lagapenen zenbatekoak Klubak ordaindu baititu Txokoko Datu Pertsonalen atalean IBAN kontu-zenbakia duten bazkide guztiei (dirua jaso ahal izateko ezinbesteko baldintza).
Lagapena beste athleticzale bati egiten bazaio, normalean bezala egin ahal izango da (partida hasi baino 2 ordu lehenago arte), eta lagapena jasotzaileak onartu ez badu bakarrik berreskuratu ahal izango da. Lagapena egiten zaion pertsonak app bidez onartu ahal izango du, orain arte bezala, edo zuzenean onartu, jasoko duen posta elektronikoan. Era berean, hartzaileak ez du app ofiziala erabili beharrik izango; aitzitik, lagapena onartu ondoren jasoko duen posta elektronikotik QRa ere erakutsi ahal izango du.