Honelako istorioengatik (I): Maria Zeberio

Gaurtik hasita eta datorren martxoaren 23ra arte, Athletic Clubek bideo bat argitaratuko du astero, oinarri-futbolaren kirol eta gizarte balioa ikusarazi eta aintzatesten duen istorio pertsonal batean oinarrituta. Maria Zeberio futbolari eta prestatzailea (Gorliz, 1998) da Euskal Non-League Day ekimeneko bigarren edizioaren harira egingo den erreportaje sorta honetako lehen protagonista.

Oinarri-futbolaren benetako balioa, hori posible egiten duten pertsonei dagokie. Profesionalak ez diren klub bakoitzaren atzean pertsona batzuk daude, eta haien dedikaziorik eta konpromisorik gabe ezinezkoa izango litzateke kluba aurrera ateratzea.

Kiroleko lan taldeak, tokiko zaleak, langileak eta batzordekideak funtsezko zutabeak dira prestakuntza-futbolean, eta kolektibo horietako bakoitzaren atzean izen-abizenak dituzten pertsonak daude, futbolarekiko maitasuna eta komunitatearekiko maitasuna (auzolana), haur, nerabe eta gazteek astero entrenatzeko eta partidak jokatzeko aukera izatea ahalbidetzen dutenak.

Maria Zeberio horietako bat da. Profesional ez diren jokalarientzako omenaldia da bere istorioa, futbola bizimodu gisa sentitzen dutenak: ikasi, gozatu, hobetu eta irakasteko den zerbait.