Rafael Nadal Academyra egindako bisita aberasgarria

Lezama Goi Errendimenduko Zentro gisa maila gorenera eramateko helburuaren barruan, Athletic Clubeko ordezkaritza batek Rafa Nadal Academya bisitatu du Mallorcan.

"Errendimendu Handiko Kirolarien Arreta Integralaren" esparruaren barnean, bisitaren helburua Lezaman eta Rafa Nada Academyn aplikatutako ezagutzak eta praktika onak elkartrukatzea izan da.

Helburua da bi egoitzei bikaintasuna lortzen lagunduko dieten funtsezko elementuak eta prozesuak identifikatzea, maila goreneko jarduera akademikoa eta kirol-jarduera konbinatuko dituen prestakuntza eta esperientzia-eredu batean.

Athletic Cluben aldetik, Lezamako Arreta Integrala eta Metodologia, Negozio Berriak eta Berrikuntza eta Klubaren Estrategia eta Antolakuntza sailek parte hartu dute bisitan. Tenis zentrotik, honako hauek hartu dute parte: Zuzendaritza Nagusia, Merkataritza Zuzendaritza, Metodologia, Tenis Zuzendaritza, Errendimendu Arloa, Garapen Teknologikoa eta Psikologia.