Azken hiru Erregelamendu-Proiektuak argitaratu dira Bazkideen Txokoan
Azken hiru Erregelamendu-Proiektuak argitaratu dira Bazkideen Txokoan
Alegazioak aurkezteko bi hilabeteko epea zabalduko da, bazkideek ekarpenak bidal ditzaten
Athletic Clubeko Zuzendaritza-Batzordeak bazkideen eskura jarri ditu Estatutuak garatzeko hiru erregelamendu berriren proiektuak. Erregelamendu horiek 2024ko hurrengo Ohiko Batzar Nagusian bozkatuko dira, eta bide batez, berresten dute Klubak konpromiso irmoa duela AC Aurrera Gogoeta Estrategikoan ezarritako helburuetako bat betetzeko, Estatutu Sozialak garatzeko erregelamendu guztiak urtebete lehenago amaituz (araudian 2025eko abenduaren 31rako ezarrita dago epea)*.
Hiru erregelamenduak** webeko Bazkideen Txokoan kontsulta daitezke (Menuaren Estatutuak/Erregelamenduak atala):
- Hauteskunde-Erregelamenduaren proiektua.
- Gizarte Erantzukizun Korporatiboaren Erregelamenduaren eta Gobernantza Oneko Kodearen proiektua.
- Klubeko Peñen, Peñakideen eta Kidetzaren Erregelamendu-proiektua.
Bazkideek Klubaren gaietan parte har dezaten sustatzeko eta bultzatzeko konpromisoaren barruan, Zuzendaritza-Batzordeak jendaurrean jartzeko eta hiru erregelamendu horiei alegazioak aurkezteko bi hilabeteko epea zabalduko du, abuztuaren 13ra arte. Bazkideek Txokoko ataletik bertatik bidal ditzakete ekarpenak, (Txokoan erregelamendu-proiektuak deskarga daitezke), eta gune berean ikus daitezke beste bazkide batzuek egiten dituzten alegazioak. Era berean, erregelamenduak idazteko ardura duen batzordearekin komunika daitezke, ezarritako epean, Txokoaren bidez. Ondoren, hurrengo Ohiko Batzar Nagusian aurkeztu eta bozkatuko dira.
* 2022an, Batzarrak Erregelamendu Organikoa onartu zuen. Eta 2023ko Ohiko Batzar Nagusian, honako hauek onartu ziren: Kontratazio Erregelamendua, Diziplina Erregelamendua, Abonatuen eta kirol-esparruetan sartzeko eta egoteko Erregelamendua eta Erreferendumen, Kontsulten eta Parte-hartzeen Prozesuen Erregelamendua.
** Klubeko Peñen, Peñakideen eta Kidetzaren Erregelamendupean, Abonuen eta Kidetzaren Erregelamenduetako kidetza zatia (abonatuen zatia iaz onartu zen) eta Peñen Erregelamendua sartuta daude. Gizarte Erantzukizun Korporatiboaren eta Gobernantza Oneko Kodearen Erregelamenduan sartuta daude Gobernantza Oneko Kodearen Erregelamenduak eta Erantzukizun Sozial Korporatiboaren Erregelamendua (bigarren xedapen gehigarriaren 4. atalean modu independentean aipatzen ditu).