SK Slavia Prahak, AZ Alkmaarrek, FC Viktoria Plzenek eta IF Elfsborgek San Mames bisitatuko dute
SK Slavia Prahak, AZ Alkmaarrek, FC Viktoria Plzenek eta IF Elfsborgek San Mames bisitatuko dute
Lehoiek bi aldiz jokatuko dute Istanbulen, Fenerbahce SKren eta Besiktas JKren aurka, eta kanpoan AS Roma eta Ludogorets izango dituzte aurkari
Athletic Clubek dagoeneko ezagutzen ditu 2024/25eko Europa Ligako Fasean izango dituen zortzi aurkariak, gaur eguerdian Monakon egindako zozketaren ondoren. Ernesto Valverderen taldeak Txekiako bi talde hartuko ditu San Mamesen: SK Slavia Praha eta FC Viktoria Plzen, Herbehereetako AZ Alkmaar eta Suediako IF Elfsborg.
Ligako faserako bonuak, hemen
Bidaiak gogorrak izango dira, AS Romaren zelaira eta Istanbulera bi aldiz Fenerbahce SK eta Besiktas JK taldeen aurka lehiatzeko eta Bulgariara Ludogoretsen kontra jokatzeko. Oso partida erakargarriak gure zaleentzat.
Aritz Aduriz lehoi ohi mitikoa izan zen zozketako protagonista nagusia, eta Igor San Roman Zuzendaritza-Batzordeko kidea bertaratu zen Klubeko ordezkari gisa. Golegile zuri-gorriak adierazi zuenez, "Athleticekin Europan hainbat denboraldi jokatzea oso garrantzitsua izan zen guretzat, eta San Mames estadio bat baino gehiago da, pasioaren ikur bat, eta aukera oso ona jendeak eta Europak finalean gozatu ahal izateko".
Bestalde, San Romanek gogorarazi duenez, "aurkari zailak egokitu zaizkigu, baina txapelketan aurrera egiteko ilusioa dugu. Bilbon jokatzea erronka handia da guretzat, gure filosofia bereziarekin egitea, talde bakarra baitgara".
