"Denok nahi ditugun helburuak lortzen laguntzera nator"

Unai Nuñezen lehen agerraldia Celtatik Athletic Clubera itzuli ondoren. Harrobiko jokalari zuri-gorria itzuli da "taldeari hobetzeko eta arlo guztietan hobea izateko" helburu argiarekin: "Oso pozik nago nire etxera itzuli naizelako. Kanpotik gauzak beste modu batera ikusten dituzu, eta uste dut esperientzia nabarmena hartu dudala, taldeari oso ondo etorriko zaiona. Pentsamolde honekin nator: taldekideei laguntza eskaini nahi diet guztiok nahi ditugun helburuak lortzeko eta lanaren bidez ahalik eta ekarpen handiena egiteko. Athleticera nator berriro, nire bizitzako klubari eta nire taldekideei laguntzera".

Txapelketa ezberdinetan banatutako partida kopuruari dagokionez oso urte zorrotza izango da eta Portugaleteko defentsak anbizioz egin nahi dio aurre kirol arloan parte hartzeko eta ahalik eta urrutien iristeko: "Taldea oso ondo ikusten dut, plantilla ikaragarria dago eta urtea oso luzea da, neurketa askorekin. Taldeak funtzionatuko du. Ziur nago. Lanean jarraitu behar dugu, eta ziur nago dena hobera joango dela. Itzultzeko eta Europako txapelketan aritzeko gogo handia nuen. Ezin gara lortutakoarekin konformatu, eta gehiago lortu nahi dugu".

Lezaman kimu-mailatik egonda, Nuñezek aitortu du oso modu berezian bizi izan zuela Kopako arrakasta. Urrunean, baina hunkituta: "Athleticen ia partida guztiak ikusi nituen iaz, etxetik beste zale bat bezala, eta asko gozatu nuen taldeaz. Kopa nola irabazi zen ikustea sekulako poza izan zen, luzaroan jazarri zen zerbait lortzeagatik. Asko poztu nintzen hainbeste bilatu zuten lagunak lorpena erdiesten ikusi nituelako. Haiengatik, klubarengatik, zaleengatik... guztiagatik ".