"Espektatibak kudeatu behar ditugu"

Liga F-ko lehen jardunaldiaren atarian, David Aznarrek komunikabideen aurrean agerraldia egin du. Athleticek Levante UD taldearen aurka jokatuko du bihar, 12:00etan, Buñolen. Granotak laugarren geratu ziren iragan denboraldian, lehoiak baino postu bat gorago.

Entrenatzaile zuri-gorria Estefa animatzen hasi da, bere belauneko lesio larria zenbaterainokoa den jakin ondoren: "Prozesu honetan guztian lagunduko diogu, eta ahalik eta indartsuen itzuli dadin saiatuko gara".

Liga etxetik urrun hasten da, Levanteren instalazioetan. "Levante UD Athletic Club bezalakoa da, beti Lehen Mailan egon den klub historikoa, eta beti da partida berezia. Buñolen ikusten da zer den emakumezkoen futbola", esan du Davidek, eta talde valentziarraren aldaketa ere aipatu du: "Jokalari garrantzitsuak galdu dituzte eta aulkian aldaketa dago, baina lehiakorrak izaten jarraitzen dute. Mailan kontrastatutako futbolariak dituztela uste dut".

“Jokalariek errespetua irabazi dute”

Barrutik begiratuta, Athleticeko entrenatzaileak onartu du aurten "espektatibak kudeatu behar ditugula. Bosgarren geratu ginen joan den denboraldian, jokalari oinarri ona dugu, talentuduna. Lehiaketarekin hazi egingo gara. Sailkapenaren goiko aldean kokatu, azken jardunaldira arte borroka horretan egon eta gauza politengatik borrokatu beharko dugu", esan du.

Gainera, bere esanetan "ilusioz gainezka iritsi gara, baina agian ilusio gutxiagorekin eta ardura gehiagorekin. Denboraldiaurre zorrotza egin dugu eta sentsazio onekin atera gara. Jokalariek errespetua irabazi dutela eta Lezama arerioek garaipena lortzeko zelaia izango dela uste dut".

Azkenik, Aznarrek etxean kaudimena izatea eskatu du, baina etxetik kanpo puntuak laster lortzea beharrezkoa da: "Laugarren postu horretan egoteko etxetik kanpoko zenbakiak hobetu behar ditugu. Iaz asko kostatu zitzaigun eta aurten lehenengo jardunalditik hori lortzen saiatuko gara".