Athletic Cluben aldizkari berezia: Europarako itzulera
Athletic Cluben aldizkari berezia: Europarako itzulera
Gozatu 260 orrialde baino gehiagoko argitalpen bereziaz Athletic Clubek Europan zehar egin duen bidaia harrigarrian murgiltzeko: partida guztiak, golak, errekorrak, estatistikak, bidaiak, bitxikeriak...
Ale honen bitartez, bidaia harrigarria proposatzen dizuegu Athletic Clubek Europako txapelketetan izan duen historia oparoan zehar. Bere partida guztiekin, protagonistekin, golekin, errekorrekin, balentriekin, bidaiekin, anekdotekin, estatistikekin... Lehen partidatik azkenera arte. Iragana, oraina eta etorkizuna; izan ere, Liga Faseko zortzi aurkariak eta aurten protagonista izango diren zuri-gorriak aztertuko ditugu.
Lehoien estreinaldia kontinente zaharrean Europako Koparen bigarren edizioarekin batera gertatu zen, eta parte-hartze horretan zortzi onenen artean sailkatu zen. Gainera, dagoeneko existitzen ez diren hiru txapelketa ezagutu zituen Athleticek, Ferien Kopa, Errekopa eta Intertoto Cup; UEFA Koparen sorreran eta bere jarraipenean egon zen, Europa Ligan; eta Txapeldunen Liga ospetsuaz ere gozatu du.
Azken batean, Athletic beti egon da hor, bere merituengatik, Europako elite mailan antolatzen den guztian (asmatu berri den Conference Leaguen egotea bakarrik falta zaio) eta, noski, Europako Superkopan parte hartze, Txapeldunen Ligako eta Europa Ligako txapeldunek jokatzen dutena.
Gure taldea bi aldiz egon da txapeldun izateko zorian, 1977an eta 2012an, eta jakina, denboraldi heroiko horiek aldizkari berezi honetan ere islatu dira.
Bitartean, San Mames, zaharra eta modernoa, kontinenteko ehun partiden lekuko izan da. Beraz, 2024/25 kanpaina hau zapore europarreko beste 100 norgehiagoken hasiera izango da. Valverde eta bere taldearekin gozatzea tokatzen zaigu orain.