Jon Uriarte: "Gauzak aztertu, hitz egiten jarraitu eta proposamen berriak pentsatzea dagokigu"
Jon Uriarte: "Gauzak aztertu, hitz egiten jarraitu eta proposamen berriak pentsatzea dagokigu"
Athleticeko presidentea pozik agertu da Batzarrean bozkatu diren zortzi puntuetatik sei onartu direlako: "Jendearen babesa sentitzen dugu Klubaren kudeaketari eta oreka ekonomikoaren bila ematen ari garen urratsei dagokienez"
Jon Uriarte, Athletic Clubeko presidentea, komunikabideen aurrean agertu da 2024ko Ohiko Batzar Nagusiaren amaieran. Zuri-gorrien buruzagia pozik agertu da Batzarrean bozkatu diren zortzi puntuetatik sei onartu direlako: "Puntuak gehiengoaren babesarekin babestu dira, eta horrek agerian uzten du bazkide konpromisarioak pozik daudela Klubaren kudeaketarekin eta kontuetan oreka bilatzeko ematen ari garen pausoekin".
Atzera botatako puntuei dagokienez, ohiko kuoten eta Peñen araudiaren proposamenak, Uriartek esan du "normalaren barruan" sartzen dela, "Athleticen boterea Batzarrean baitago. Orain gertatutakoa aztertu egin behar dugu, jendearekin hitz egiten jarraitu eta proposamen berriak landu".
Presidenteak ere positibotzat jo du parte-hartzearen gorakada: "Iaz baino handiagoa izan da eta hori beti da positiboa. Hala ere, beste batzuetan gertatu den bezala, bilerak aurrera egin ahala bertaratzeak behera egin du, ziurrenik iraupenagatik, nahiz eta aurten murrizteko neurriak ezarri ditugun. Aurrera pausoak ematen ari gara eta bide onean gaudela uste dut".