"Berriro suspertu behar dugu"

Ernesto Valverde Athletic Clubeko entrenatzaileak agerraldia egin du lehoiek Real Valladoliden aurka Estadio Jose Zorrilla zelaian jokatuko duten partidaren atarian. Etxekoak jaitsiera postuetan helduko dira neurketara, eta talde zuri-gorria Europako garaipenaren ostean: "Puntu premia dugu denok arrazoi bategatik edo besteagatik. Beti dago arrazoi bat edo beste. Jokatzen saiatzen den eta ondo hedatzen den taldea da. Kalitatezko jokalariak eta argumentuak ditu. Guk adi egon behar dugu eta norgehiagoka ondo bideratu, behin osteguneko lehia igarota. Orain berriro suspertu behar dugu. Hori da zailena. Jende freskoa aterako dugu, gure mailari eusteko asmoz".

Gainera, bere jokalariak ondo daudela uste du Valverdek: "Oraingoz ondo gaude bi txapelketetan. Fisikoki ondo eusten ari gara. Minimizatu nahi dugun handicap bat da. Gure helburu nagusia LaLiga da eta posizio onetan mantentzea. Europaren ilusioa ere badugu. Etxetik kanpora goaz, jende asko daramagu eta horren guztiaren aurrean erantzun behar dugu. Mentalizatuta egon behar dugu eta daramagu. Probak gainditzen joateak gasolina ematen dizu, baikorra izatea eragiten dizu eta hankek gutxiago pisatzen dute".