"Zutoinek zigortu egin gaituzte"
"Zutoinek zigortu egin gaituzte"
Ernesto Valverdek deitoratu egin zuen golari begira zerbait zehatzagoa izan ez izana, baina pozik geratu zen bere taldeak Metropolitanon egindako lanagatik
"Gure aukerak izan ditugu, aurrea hartu ahal izan dugu eta azkenean berdinketatik oso gertu egon gara. Zutoinera egindako jaurtiketek zigortu egin gaituzte, baina partida ona egin dugu. Pozik nago taldearekin eta aurrera jarraitu behar dugu". Ernesto Valverde etsita agertu zen komunikabideen aurrean Athletic Clubek Atletico Madrilen aurka galdu zuen partidaren amaieran, sailkapeneko goiko postuetarako lehia zuzena: "Talde honek edozein akatsi etekina ateratzen dio. Gure defentsa sendo egon da, baina tarte pixka batekin hartu gaituzten jokaldi batean gola sartu digute. Hiru puntu lortzen ez dituzun bakoitzean aukera galdua da, baina zer egingo diogu, hurrengo partidan saiatuko gara. Bultzatu egin dugu baina ez dugu zorterik izan".
Ostegunean, AS Romaren aurkako Europako kanporaketako lehen norgehiagoka. Taldea indartsu eta gogotsu dago: "Topera lehiatu izanaren sentsazioa geratzen zaigu, eta hori da nahi duguna. Orain, osteguneko partidaren bila. Badugu indarrak berreskuratzeko tartea".
.