Olabarrietak FC Andorran utzita jokatuko du

Aingeru Olabarrietak utzita jokatuko du datorren denboraldian LaLiga Hypermotioneko FC Andorran. Luiaondoko jokalaria Bigarren Mailan estreinatuko da, iragan denboraldian Bilbao Athleticen egindako lana eta Ernesto Valverderen taldearekin parte-hartze puntualak uztartu ondoren. Duela hamar urte alebin taldean sartu zenetik Lezamatik kanpo egingo duen lehen esperientzian, Ibai Gomez lehoi ohia izango du entrenatzaile.

Hegalekoaren maileguak parte ez hartzeagatiko penalizazio batzuk jasotzen ditu. Bestalde, ez du erosteko aukerarik barne hartzen, beraz, futbolaria, orain dela iazko maiatzean Sevilla FC taldearen aurka San Mamesen debuta egin zuena eta hiru partida ofizial dituena, denboraldiaren amaieran itzuliko da Lezamara.