Aste Santu honetan, bisitatu San Mames

Inoiz amestu baduzu partida baten aurretik Katedraleko isiltasuna sentitzearekin edo aldagela zuri-gorritik paseatzearekin, San Mames Tour da Aste Santu honetan bizi behar duzun esperientzia.

Ibilbideak San Mameseko txokorik enblematikoenetan barneratzeko aukera ematen du, estadioaren ikuspegi paregabea barrutik eskainiz. Esperientzia, AC Museoaren bisitarekin osatzen da. Bertan, Klubaren historia bizi ahal izango da ukipen-pantailen eta ikus-entzunezko edukien bidez, ibilbidea bidaia interaktiboa bihurtuz.

Athletic Clubek sarrera modalitate ezberdinak eskaintzen ditu publiko guztietara egokitzeko. Alde batetik, Museo + Tour gidatua, aproposa jantzien sekretuak, argitaratu gabeko pasadizoak eta ikusgaiaz haratagoko xehetasunak ezagutu nahi dituztenentzat. Bestetik, audiogida duen Tourra dago, estadioa bere erritmoan eta eduki multimedietan modu autonomoan ibili nahi dutenentzat pentsatua.

Bi aukerak opari-txartel formatuan ere eskuragarri daude, edozein athleticzale edo futbolzale harritzeko aukera bikaina.

Aste Santua dela eta, AC Museoak martxoaren 30etik apirilaren 11era arte egunero irekiko du, salbuespen gisa, ordutegi jarraituan, 10:00etatik 20:00etara.

Apirilaren 12an, igandean, Athletic Club-Villarreal CF partida 21:00etan San Mamesen jokatuko denez, zela bisitatzeko azken sarrera (estadioko tourra) 16:00etan izango da, museoaren irekiera ordutegia 10:00etatik 19:00etara delarik.

Museora eta tourrera estadioko 19. eta 20. ateetatik sartzen da.