42 ONDARE: Aitita

Athletic Club ‘42 ondare’ kanpainaren hirugarren ataleko protagonista da, LALIGA eta Prisaren lankidetzako proiektua. Galder Reguera Fundazioko Operazio eta Estrategia zuzendariaren, bere aitita Pablo Olabarriren, “munduan gehien maite nuen pertsona”, eta Jose Angel Iribarren arteko pasadizoa kontatzen duen 6 minutu inguruko laburmetraia da.

Anekdota zirraragarria bezain sinbolikoa, Athleticen nortasunaz hitz egiteko balio duena: ezberdina den talde batenganako maitasuna. Futbolaz haratago doan kluba, lurralde bat ordezkatzen duena, Euskal Herria, eta munduan egoteko modu bat. Azken finean, belaunaldien artean transmititzen den ondarea, Galderren aititak Galderrekin egin zuen bezala eta Galderrek bere seme-alabekin egiten duen bezala, beti Jose Angel Iribarren figurarekin, Klubaren balioak eta jarraitu beharreko bidea pertsonifikatuz.

Galder Regueraren off-eko ahots batek kontatutako film laburrak irudi historikoak eta San Mameseko partida egun bateko sekuentziak uztartzen ditu. Galderrek argitaratutako testuetan oinarritutako gidoiak omenaldia egiten die ez bakarrik Pablo Olabarri eta Jose Angel Iribarri, baizik eta athleticzaleen ondarea eraiki zuten eta eraikitzen ari diren aitita eta amama guztiei.
 

Kidetasun-sentimendua

Athletic Cluben eta LALIGAren lankidetza berri honek bat egiten du ’42 ondare’ kanpainako beste ekimen batzuekin, zeinetan Klubak ere parte hartu duen.

Duela gutxi, Athletic Club-Real Betis partida zela eta, Antonio Megiasek, Andaluziako athleticzaleak, 88 urte dituela, lehen aldiz zapaldu zuen San Mames, Maria emaztearekin eta Andrea bilobarekin batera.

Era berean, Athletic Clubek bat egin du asteburu honetako ‘retro’ jardunaldiarekin, eta Gorka Guruzeta jokalaria izan da denboraldiko aurpegi nabarmenetako bat.