Emakumezkoen bigarren taldeak eskura du igoera

Segunda Federacion mailako lehiaketaren amaiera gertu dago eta Athletic Club “B” taldeak maila igoera lortu lezake asteburu honetan bertan. 12:00etatik aurrera, Ander Ojanguren eta Vanesa Rodriguezen jokalariek Santanderreko Racing hartuko dute Lezaman (2. zelaia), 24. jardunaldian. Ez da behin betikoa, 26ra iritsi beharko baita. Beraz, bigarren taldeak hainbat aukera ditu aurretik, baina bigarren mailako lehen multzoko sailkapenean urtebete egin ondoren, erregulartasun handia erakutsiz, ospatzeko gogoa dago. Irabaziz gero, eta igande goizean Reala “B”, bigarren sailkatuak, galtzen badu, zuri-gorriak berriz ere Estatuko bigarren mailan egongo dira.

Mailaz igotzea, ia ikasturte osoan lider edo bigarren izan ondoren, zuri-gorrientzako saria izango litzake. Lau partida besterik ez dituzte galdu, eta berdinketa bat izan ezik, denboraldiko partida guztiak irabazi dituzte Lezaman. Larunbat honetako norgehiagoka sailkapeneko hirugarren postuan dagoen Santanderreko Racing taldearen aurka izango da. Hain zuzen ere, bigarren taldeari joanekoan irabazi zion talde andaluziarrak. Norgehiagoka honetan, kategoriako aurrelari handienetakoek elkar ikusiko dute: Naiara Ordax kantabriarra 11 golekin eta Izaro Torrontegui, gol bat gutxiagorekin eta Athleticeko erdilaria.

Igandean, 12:00etan, Ojangurenen neskek etxeko lanak egin eta Racing mendean hartzen badute 2. zelaian, itxaron egin beharko da Reala “B” Zubietan beste filial bati gailentzeko gai den, beti lehiakorra den Madrid CFF bezala. Galtzen badute, Athletic Clubek bere nesken filiala izango du berriz ere Estatuko bigarren mailan. Txuri-urdinek hasiera kaskarrari buelta eman diote eta zuri-gorriek igoera posturako lehian sartzeko adinako indarrarekin heldu dira.

Kontuan izan behar da, matematikoki bigarren taldea asteburu honetan igotzen ez bada, beste bi jardunaldi geratzen direla egutegian. Madrid CFF taldearen aurka jokatuko dute etxetik kanpo, eta Lezaman emango diote amaiera ikasturteari, Bizkerre FT getxotarraren aurka.

Gainera, Segunda Federacion mailan, hiru multzoetako bigarren sailkatuek play off-a jokatuko dute hirugarren onenekin batera, eta bi partidako irabazleek lortuko dute igoera.

Amaierara arte lider izateko erronka

Erronka presioari eusten jakitea eta gorenean egotearen bertigoari eustea da, eta, hala, igoera zuzenari ekin ahal izatea. Iaz taldeak play off-a gertu izan zuen, baina kanpoan geratu zen, etxean CE Europaren aurka galdu ostean (azkenean igo zen taldea izan zen), Lezaman jokatutako jardunaldi erabakigarrian.

Athleticeko neska gazteek txapelketa eta igoera ospatu nahi dituzte. Klubak, gainera, ikusi ahal izan du bigarren taldetik hainbat jokalarik egin dutela debuta aurten: Elene Gurtubayren kasua da nabarmenena, minutuak eta baita elitean egin duen lehen gola ere. Bestalde, Nerea Benitok, urte osoan Javi Lergarekin lehen taldeko dinamikan aritutakoak, Liga F-ko hainbat partida ere jokatu ditu, eta Oihana Aguirregomezkortak, Irati Alfarok eta Ane Bordagarayk ere lehen taldearekin aritzeko aukera izan dute. Gaztetasuna, lana eta talentua. Hortzak azkeneraino estutu behar dira.