"Egoera honi aurre egin behar diogu"

Ernesto Valverde kezkatuta agertu zen komunikabideen aurrean Athleticek Villarrealen aurka jokatu zuen partidaren amaieran. Egoera, San Mameseko estropezuaren ondoren, delikatua da: "Futbolaren kontu honetan sartuta bazaude, beti beherantz eta alde guztietara begiratzen duzu. Haiek oso onak dira, eta duten jokoarekin beti mehatxatzen zaituzte. Urduri samar sakatu dugu golen bila, berdintzeko aukera hori izan dugu, baina ezin izan dugu asmatu".

Athleticek puntu faltaren jakitun begiratzen die hurrengo partidei: "Egoera honi aurre egin behar diogu eta hori egiten saiatzen ari gara. Puntuak presaz behar dituzu eta urduritasuna dago, normala da. Ona da hala egotea eta taldeari eskatzea".