"Ez duzue imajinatzen garaipen honek zenbateko balioa duen"

"Ez dakizue zenbat balio duen garaipen honek. Denok genekien hiru puntuak funtsezkoak zirela. Asko genuen jokoan gaur. Partida hauek tentsioz jokatu behar dira, egin dugun bezala. Hainbeste denboraren ondoren atea hutsean mantentzeak ere balio handia du. Unai Simon erabakigarria izan da bere geldiketekin". Ernesto Valverdek oso positibotzat jo zuen Athleticek Osasunaren aurka lortutako garaipena. Hiru puntuak urrezkoak dira datorrenari begira eta azken asteetako sentsazio txarrak uxatzeko.

Taldeak hasieratik lotu zuen San Mameseko jendea eta lehoiek 41 puntu dituzte jada: "Dena taldetik abiatu behar da zaleak berotzeko. Jendeak jarrera lehiakorra ikusi nahi du. Asko hitz egin dugu aste honetan gure egoeraz, sailkapenean zeuden alde apurrez, eta gaur asko zegoen jokoan. Beldurrari aurre egin diogu, eta nolako izaera dugun erakutsi dugu. Biziraupen ariketa azken minutuetan eta amaierara arte eutsi dugu".