"Bihar irabazteko prest gaude"

"Guretzat garrantzitsua da ahalik eta gorenen amaitzea, hain talde gaztearekin partida bakoitzak asko balio du. Erreginaren Kopako parte hartzea dugu jokoan, eta garrantzitsua da hor egotea. Jokoan asko dugu oraindik jokatzeko dauden hamabi puntuekin". Javi Lerga komunikabideen aurrean agertu zen Athleticek FC Badalona Women taldearen aurka jokatuko duen partidaren atarian. Norgehiagoka, Katalunian, oso parekatua izango da: "Gure aurkaria oso antzekoa da. Irregularra izan da eta emaitzetan jarraitutasuna falta izan zaio, nahiz eta talde ona izan. Arriskutsuak dira, eta mentalitate lehiakorra dute. Ondo lehiatzeko eta atea hutsean uzteko bidera itzuli behar dugu, oso garrantzitsua da. Azken herenean fin ibili beharko dugu uzten dituzten espazioei berme osoz erasotzeko".

Nafarroako entrenatzaileak aulkitik zuzenduko ditu berriro lehoiak, zigortuta egon ostean. Athletic denboraldia makillatzen saiatuko da geratzen diren neurketekin: "Itzultzeko gogoz. Egoera hori ez da ideala, entrenatzaile sentitzen zara aulkitik, eta horretara goaz. Denboraldia amaitzen denean eta unea iristen denean, dena lasaitasunez eta ikuspegi guztietatik aztertuko dugu. 4 partida geratzen zaizkigu, eta horiek irabazte saiatu behar dugu".