2026ko Konpromisarioen aukeraketa: Athletic parte-hartzaileago baten alde
2026ko Konpromisarioen aukeraketa: Athletic parte-hartzaileago baten alde
Klubak modu errazean azaltzen du zertan datzan konpromisario berriak izendatzeko prozesua, maiatzaren 16ra arte zabalik
Bazkide konpromisarioek funtsezko zeregina dute Athletic Cluben gobernantzan. Batzarren bidez, eztabaida instituzionalean parte hartzen dute eta boto bidez erakundearen etorkizunerako funtsezkoak diren gaiak erabakitzen dituzte. Hautatutako Zuzendaritza-Batzordearen gobernu-jarraibideetan eragina duten eta bazkide guztiei eragiten dieten gaiak dira.
Horregatik, Athletic parte-hartzaileago baten alde, Klubak bazkideak gonbidatzen ditu konpromisario bilaka daitezen. Konpromisarioen Batzarrak ordezkaritza handiagoa duen heinean, hartutako erabakietan bazkide guztien multzoa hobeto islatuko baita.
Ondoren, izena emateko prozesua errazteko, Klubak ohiko galderei erantzungo die, konpromisario berriak izendatzeari dagokionez
- Zer funtsezko gai bozkatzen dira konpromisarioen batzar batean?
a) Zuzendaritza-Batzordearen urteko kudeaketa.
b) Ikuskatutako urteko kontuak.
c) Klubaren aurrekontuak, erakunde eskudunek baliozkotuak, kontabilitate-ekitaldi bakoitzerako.
d) Zuzendaritza-Batzordearen proiektuak eta proposamenak, bai eta behar bezala babestutako bazkideenak ere.
e) Kuota arruntak, hala dagokionean.
f) Zuzendaritza-Batzordeari baimena ematea kirol-lantaldearekin zerikusirik ez duten ekintzak egiteko, baldin eta onartutako aurrekontuan aurreikusitako gastuak eta inbertsioak gainditzen badituzte.
Eta Estatutuen 18. artikuluan jasotako funtsezko beste gai batzuk: Konpromisarioen Batzarraren eskumenak.
- Zer baldintza bete behar dira bazkide konpromisario izateko?
Bazkide konpromisarioa izateko beharrezkoa da 18 urte baino gehiago izatea, Athletic Clubeko bazkide bezala gutxienez urtebeteko antzinatasuna izatea eta Estatutuetan ezarritako gainerako baldintzak betetzea.
Bazkide bakoitzak bere datuak egiazta ditzake Bazkideen Txokoan, eta aurreko baldintzak betetzen dituzten beste 9 bazkideren abala aurkez dezake.
- Nola egiten naiz bazkide konpromisario?
Oso erraz, BAZKIDEEN TXOKOAREN bidez, 2026KO KONPROMISARIOEN AUKERAKETA atalean.
Atal horretan, erroldan zaudela egiaztatu ondoren, ABALAK JASO ETA AURKEZTEA izeneko atal bat duzu. Bertan, zure hautagaitza berresteko eta zerrenda osatzeko behar dituzun 9 abal-emaileekin osatzeko jarraibide zehatzak dituzu.
Aurrez aurreko konpromisario ere egin zaitezke, inprimaki ofiziala betez eta Bazkidearen Arreta Bulegoan zure abalak aurkeztuz.
- Erraza al da prozesu digitala 9 abalak aurkezteko?
Bai, abal-emailearen bazkide-kodea eta bere telefono mugikorra sartu behar dituzu.
Abal-emaileak mezu elektroniko bat eta SMS bat jasoko ditu, eta bere abala berretsi beharko du baliozkotze bikoitz baten bidez: Bazkideen Txokotik zure eskaera onartuz (esteka zuzena bidaliko zaio Txokoko ABALEN KONTSULTA atalera, bertan egin behar baitu), eta, ondoren, telefono mugikorrean jasoko duen 6 digituko gakoa sartuz.
- Non dago bazkide kodea?
Zure txartel fisiko edo digitalaren aurrealdean.
Bazkideen Txokoan, aipatutako 2026KO KONPROMISARIOEN AUKERAKETA ataleko ERROLDA atalean (Zure datuak eguneratu/Datu pertsonalak atalean ere ikus dezakezu).
- Nola dakit abal-emaileak konpromisario izateko nire hautagaitza berretsi duela?
Bazkideen Txokoko 2026KO KONPROMISARIOEN AUKERAKETA atalaren barruan, ABALEN KONTSULTA atalean, zein bazkidek abalatu zaituzten kontsultatu ahal izango duzu.
- Zein epetan egin naiteke bazkide konpromisario?
Maiatzaren 16ra arte, egun hori barne.
- Zenbat ohiko batzar egiten dira urtean?
Konpromisarioen Ohiko Batzar bakarra egiten da urtean, normalean urrian.
- Beharrezkoa al da batzarretara bertaratzea botoa eman ahal izateko?
Ez, parte hartzea eta botoa ematea telematikoki eska ditzakezu.
- Zenbat urteko iraupena du konpromisario izateak?
Bost urte, hautaketaren urteko uztailaren 1etik bosgarren urteko ekainaren 30era arte.
- Abal-emailea banaiz, konpromisarioa izan naiteke?
Ez. Abal-emailea edo konpromisarioa izan zaitezke, baina ez biak batera.