Athletic Genuinek III. Fasea jokatuko du Burgosen

Athletic Genuinek, Athletic Club Fundazioaren taldeak, lehiaketara itzuliko da maiatzaren 30ean eta 31n. Burgos CFren Kirol Hiria izango da 2025/26 denboraldiko LALIGA GENUINE Moeveko hitzordu berri honen egoitza, eta Burgos CF anfitrioia izango da lehiaketaren hirugarren fase honen amaieran.

Asteburu osoan zehar, Kiroltasuna, Errespetua eta Adiskidantza multzoetako 24 talde elkartuko dira berriz ere, futbolak inklusiorako, bizikidetzarako eta balioen ikaskuntzarako tresna gisa duen garrantzia partekatzeko, bai zelai barruan bai kanpoan.

Lehiaketa larunbat arratsaldean hasiko da, eta igande goizean jarraituko du, egoitzako azken partidak jokatuko diren egunean. LaLiga Genuineko fase bakoitzean bezala, igandeko partida bloke bakoitzaren ondoren dominen banaketa egingo zaie parte hartzen duten talde guztiei, eta ekitaldian agintariak, erakundeetako ordezkariak eta Burgosko lehiaketako enpresa laguntzaileak izango dira. 

Athletic Genuineren partidak Burgosen

Adiskidantza multzoan kokatuta, beste hamabost talderekin batera, hau da Athletic Genuineren asteburuko egutegia:

• Athletic Club Fundazioa – Racing Club Ferrol / Larunbata, 16:30
• Real Zaragoza – Athletic Club Fundazioa / Igandea, 11:00

Genuine Peñaren betiko babesa

Genuineko Lehoiak larunbat goizean abiatuko dira Burgoserantz. 

Beti bezala, zale zuri-gorriak, Genuine Peña buru dutela, haien ondoan izango dira giro ona eta poz bizia zabaltzen.