Athletic Academyrekin jokatzeko izena emateko epea zabalik dago
Athletic Academyrekin jokatzeko izena emateko epea zabalik dago
Klubak 2017an eta 2018an jaiotako jokalarientzako izen-ematea ireki du, datorren denboraldian Athletic Academyko taldeetan aritu nahi badute
Athletic Club Academyren sorrerak berrikuntza handia dakar 2026/27 denboraldiari begira: Athletic Academy lehen aldiz osatuko duten benjamin mailako bi taldeetako batean jokatzeko aukera.
Izen-ematea gaurtik hasi eta ekainaren 22ra arte arte egongo da zabalik, baina horrek ez du taldeetan plaza lortzea bermatzen. Epea amaitutakoan, izena eman duten pertsonak Lezaman egingo den hautaketa-saio batera deituko dira, eta ondoren talde teknikoak behin betiko onarpenak jakinaraziko ditu.
ATHLETIC ACADEMY TALDEETAN IZENA EMATEA
Formakuntza-eredu propioa, Athletic ADNarekin
Taldeak Athletic Club Academyk berak diseinatu eta kudeatuko ditu osorik, eta Klubeko entrenatzaileak izango dituzte, formakuntza koherentea, jarraitua eta metodologia zuri-gorriarekin lerrokatua bermatuz.
Talde horiek ez dira Athletic Cluben harrobiko parte, Fundazioarenak baizik; hala ere, esentzia bera partekatzen dute: futbola ulertzeko modu komuna, exijentzia, garapen progresiboa eta futbolari bakoitzaren hazkunde pertsonal eta kirolean oinarri dituena, goi-mailako formakuntza-ingurune batean.
Ekipamendua
Matrikulak Athletic Academyren ekipamendu ofizial osoa barne hartzen du:
- Athletic Academyren jokorako bi ekipamendu ofizial: etxean jokatzeko ekipamendu osoa eta kanpoan jokatzeko ekipamendu osoa.
- Athletic Academyren entrenamendurako arropa ofiziala: kirol-jertsea, mahuka motzeko bi kamiseta, praka motzak, galtzerdiak, euri-jantzia eta motxila.
- Txandala eta parka.
Garraio-zerbitzua eskuragarri
Garraio-zerbitzuaren helburua joan-etorriak erraztea eta familiei Athletic Academyren aste barruko entrenamenduetara bertaratzeko antolaketan laguntzea da.
Garraio-zerbitzua honako geltoki hauetan egongo da eskuragarri, Lezamarekin lotuta:
- Eskuinaldea (Berango, Algorta, Areeta, Leioa eta Erandion geltokiak)
- Ezkerraldea (Trapagaran, Santurtzi, Portugalete, Sestao, Barakaldo eta Gurutzetan geltokiak)
- Bilbo (La Peña, Miribilla, Autonomia, San Inazio, Deustu eta Santutxun geltokiak)
- Durangaldea (Zaldibar, Elorrio, Durango eta Amorebietan geltokiak)
- Nerbioi (Basauri, Ariz, Etxebarri, Galdakao eta Usansolon geltokiak)
*Garraio-zerbitzu batek gutxienez 20 plaza lortzen ez baditu, Athletic Club Academyk zerbitzua bertan behera utzi ahal izango du, eta erabiltzaileari zerbitzu horrengatik ordaindutako zenbatekoa itzuliko zaio.