Astralaga, Gara, Amaia Martínez, Artero eta Iribarren lehen taldera batu dira

Lehen taldeko emakumezkoen taldeak Liga F-ko klubetan utzita egon diren bost jokalari hartuko ditu Lezaman: Eunate Astralaga atezaina, Garazi Facila, Amaia Martínez eta Marina Artero atzelariak, eta Amaia Iribarren erdilaria. Guztiek, Amaia Martínezek izan ezik (2028), 2027ra arteko kontratua dute

Eunate Astralagak Eibar SD taldean izan da atepeko liderra, Ipuruan egin duen bigarren denboraldian. Ia norgehiagoka guztiak jokatu ditu: 27 partida eta 2.430 minutu, geldiketa bikainak eginez. Guztira, 43 partida ditu Liga F-n eta 20 urterekin itzuliko da Lezamara, Adriana Nanclaresen ondoan maila handiko bikotea osatzeko.

Berangoko atezainak, Espainiako selekzioaren beheko mailetan ohikoa izan denak —17 urtez azpiko Munduko Txapelketa eta 19 urtez azpiko Europako Txapelketa irabazi zituen—, 2025ean selekzio absolutuarekin deialdia jaso zuen eta Nations Leagueko txapeldun izan zen.

Ildo beretik, ezker hegaleko Garazi Fácila (26 urte) maila handian aritu da Eibarren. 2023ko udan iritsi zen Athletic Clubera, Deportivo Alavesetik. Lezaman protagonismo gutxi izan ondoren, Lodosako atzelaria iaz utzita joan zen minutuak bilatzeko. Lagapen horrek fruituak eman ditu: 26 partida jokatu ditu, 2.300 minutu baino gehiago, eta gol bat sartu du. Denboraldi honetan, ehun partida gainditu ditu jada maila gorenean.

Amaia Martínezek badaki lehen talde zurigorrian debuta zer den; 2022-2023 denboraldiko azken jardunaldian Lezaman estrenaitu zen. Lehoiak bi denboraldiko etapa amaitu du RCD Espanyolen utzita. Lehen urtean, 2024-2025ean, 24 partidetan parte hartu zuen baina denboraldi honetan, Kataluniako hiriburuan, hiru hilabeteko lesioa izan zuen eta ebakuntza egin behar izan zioten. Otsailean berdegunera itzuli zen eta ordutik berriz sentsazioak hartzen joan da, guztira 16 partida (1.255 minutu) jokatuz. Algortako erdiko atzelariak, Espainiako selekzioarekin 19 urtez azpiko Europako txapelduna izan denak, esperientzia handia pilatu du jada Liga F-n 21 urterekin.

Marina Arterok Deportivo Abancan utzita egon den bi denboraldiko etapa amaitu du. Barrikako atzelariak aurreko urteko zenbakiak ia errepikatu ditu Riazoren. Denboraldi honetan 19 partida ofizial jokatu ditu, 800 minutu baino gehiago jokatuz. 17 urtez azpiko Munduko Txapeldun (kapitain gisa) eta 19 urtez azpiko Europako Txapeldun izan da Espainiako selekzioarekin, eta orain etxera itzuliko da Lezaman bere ibilbidea jarraitzeko.

Azkenik, Amaia Iribarrenek, azken denboraldietan Athleticen filialeko erdilari garrantzitsua izan ondoren, Liga F-n debuta egin zuen Granada CF taldearen eskutik 2024-2025 denboraldian. Granadako taldean egon ondoren, denboraldi honetan Eibarren jarraitu zuen utzita. Nafarrak 1.685 minutu jokatu ditu, 25 ligako eta Kopako partidetatan. 23 urterekin, Lezamatik kanpo bi esperientzia aberasgarriren ondoren, Athletic Clubekin maila gorenean lehiatzeko aukera izango du orain.