Kosnerrek Athletic Clubekin duen babesletza berritu eta zabaldu du
Kosnerrek Athletic Clubekin duen babesletza berritu eta zabaldu du
Klimatizazio-markak emakumezkoen lehen taldearen elastikoaren aurrealdean jarraituko du, eta gizonezkoen entrenamendu- eta pre-match jantzietara ere zabalduko da
Kosnerrek eta Athletic Clubek akordioa lortu dute 2026/27 denboraldian zehar euren arteko lotura luzatzeko. Klimatizazio-marka ezagunak, soluzio eraginkorrak garatzen dituenak, emakumezkoen lehen taldearen babesle nagusi izaten jarraituko du, eta, beraz, bere logotipoa elastiko ofizialaren aurrealdean agertuko da berriro.
Berritasun gisa, akordioak Kosnerren presentzia indartzen du Klubean; izan ere, marka gizonezkoen lehen taldearen entrenamendu-kamisetan eta pre-match jantzietan ere agertuko da denboraldi honetan.
Bi erakundeek balio partekatuak dituzte, hala nola talde-lana, profesionaltasuna, ahaleginaren kultura eta aukera-berdintasunaren aldeko konpromisoa. Berritze horrek 2024an hasitako harremana sendotzen du eta Athletic Cluben eta Kosnerren arteko elkarrekiko konfiantza erakusten du. Era berean, Kosnerrek kirolarekiko duen lotura indartzen jarraitzen du.
Kosner klimatizazio-marka da, eta etxebizitza-, merkataritza- eta industria-eremuetarako produktu eta soluzio berritzaileak garatzen ditu, kalitate, eraginkortasun eta berme maila handienekin. 20 urtetik gorako ibilbidearen ondoren, erreferentziazko marka bihurtu da merkatuan, aire girotuko, berokuntzako eta aerotermiako ekipoen katalogorik zabalena izateari esker.
Kosnerren produktuak kanal profesionalaren bidez soilik eros daitezke, zehazki Saltoki Taldearen salmenta-puntuetan. Talde hori da Espainian eta Andorran Kosnerren banatzaile esklusiboa, eta Bizkaian lau egoitza ditu.
Kosnerri buruzko informazio gehiago: kosner.es.