Lucas Sarasketa Bilbao Athleticen hasiko da

Lucas Sarasketa ezker atzelaria Bilbao Athleticera sartuko da berehala, SD Eibarrekin akordioa lortu ostean. 19 urteko durangarrak lehen talde armaginarekin osatu du denboraldiaurrea, eta talde horrekin egin du deialdia lehen bi jardunaldietan.

Sarasketa bi urtez egon zen Lezaman alebinetan, Durangoko Jesiuitak taldetik etorri ondoren, eta 2018/19 denboraldian SD Eibarren beheko kategorietan aritu zen Athleticetik atera zenetik. Iaz 20 partida jokatu zituen FC Barcelona taldearen bigarren taldearekin.