Harrobiko partidak, asteburu honetatik aurrera Athletic Playn
Harrobiko partidak, asteburu honetatik aurrera Athletic Playn
Astebururo, zale zuri-gorriek harrobiko zuzenekoez gozatu ahal izango dute, lehenengoa, Gazteen Ohorezko Mailaren Ligako debuta UD Logroñesen aurka Lezaman
Athletic Clubeko harrobiko partidak Athletic Playren pantailetara helduko dira asteburu honetan, irailaren lehen asteburuan. Gazteen Ohorezko Mailaren Ligako debuta, bihar larunbata, irailak 5, 12:00etatik aurrera, UD Logroñesen aurka Lezaman, Athletic Playk astebururo partidak eskainiko dituen denboraldi baten lehen emanaldia izango da.
Klubeko ikus-entzunezko plataformak kategoria guztietako partidak eskainiko ditu datozen hilabeteetan, eta arreta berezia eskainiko die CD Basconiari (Bigarren Federazioa) eta Emakumezkoen bigarren taldeari (Lehen Federazioa) etxean jokatzen dutenean, hau da, partidak eman daitezkeen klubeko harrobiko kategoria handieneko taldeei. Ohorezko Mailako Gazteek ere arreta berezia izango dute Lezaman jokatuko dituzten partidetan, denboraldi osoan zehar. Harrobiko gainerako taldeek astebururo Athletic Clubeko telebista ofizialean beren presentzia txandakatuko dute.