“Energia duen eta bertikala den taldea izan nahi dugu”

Bihar Athleticek Liga F-ko hirugarren jardunaldia jokatuko du Lezaman. Norgehiagoka 12:00etan hasiko da, eta RCD Espanyol izango da zuri-gorrien aurkaria, nahiz eta oraindik ez dakien zer den puntuak lortzea. Victor Martinek bere taldearen hasiera aztertu du prentsaurrekoan, izan ere, bere ustez, “irakurketa ez dugu garaipenetan oinarritu behar, baizik eta taldeak lehiatzeko duen moduan eta egoera ezberdinetan izan duen jarreran”.

Entrenatzaileak esan du ez duela Liga F-ko taula begiratu; lehoiek 6 puntu dituzte, eta hirugarren postuan daude, Barcelona eta Madrid CFF-rekin batera. “Askoz gauza gehiagori begiratu behar zaie, sailkapenak engainatu egin zaitzakeelako eta autokritikoa ez izatera eta egunero hobetzeko asmorik ez izatera eramaten zaituelako”, adierazi du.

Garaipen jarraituen inertzia onarekin dator talde zuri-gorria, eta Sara Monfortek zuzentzen duen taldea izango du aurkari, Martinen hitzetan, beti indar eta kemena ematen baitie taldeari. Partida planari dagokionez, Athleticeko entrenatzaileak kataluniarrak “defentsa mailan talde ordenatua direla eta presioa ere egiten dutela aipatzen du. Gainera, joko sisteman alternantzia asko ditu. Haien estimuluak ezagutu beharko ditugu haien egitura aldaketei nola erantzun jakiteko”.

“Garaipen batetik hobeto lantzen da”

Oraindik liga osoa dago aurretik, eta misterrak aitortu du oraindik “informazio asko barneratzeko prozesu bat bizitzen ari direla, eta ñabardura txikiak finduz joan behar dela”, esan du. Hori bai, argi du bere taldeak “energia eta bertikala” duen taldea izan behar duela.

Azkenik, bihar Lezaman elkar ikusiko duten bi taldeen bolada txarrari buruz galdetuta, entrenatzaileak badaki “beti hobeto lan egiten dela garaipen batetik eta taldearen inguruan sortzen den girotik”.