Ibarreche: San Mameseko lehen eskularruak

Bilbotarra zen Cecilio Ibarreche (1892), Athletic Cluben lehen urteetako atezain bikaina. 1,90 metro luze baino gehiagoko garaiera zuen, eta 1913ko martxoaren 17an jokatu zuen lehen aldiz lehen taldearekin. Ibarrechek 46 partida jokatu zituen, eta haren ibilbidea estu lotuta dago San Mamesekin. 

1913ko abuztuaren 21ean, debuta egin eta hilabete gutxira baino ez, Bilboko zelaia inauguratzeko partidan aritu zen, Irungo Racing taldearen aurka. Gorputz handi eta ikusgarriaz gain, erreflexuengatik eta aireko baloietan erakusten zuen segurtasunagatik nabarmentzen zen, Athletic Cluben historiako lehen atezain handia bilakatuz.. Urte haietan, zuri-gorrien erreferenteekin batera aritu zen, hala nola Rafael Moreno ‘Pitxitxi’ eta Jose Mari Belaustegigoitia ‘Belauste’-rekin.

Haren ibilbidea Klubarentzat bereziki oparoa izan zen aroan garatu zen. Ibarrechek Athleticen atea defendatu zuen 1913ko Kopako finaletan (Athletic Club 0 – Irungo Racing 1), 1914koan (Athletic Club 2 – Espainia FC 1), 1915ekoan (Athletic Club 5 – RCD Espanyol 0), eta 1916koan, Athleticek Madril FCri (Real Madril) 4-0 irabazitakoa. Merezi du azpimarratzea hamarkada hartan oraindik ez zela LaLiga sortu eta Kopa txapelketa nagusia zela.

1917aren amaieran erretiroa hartu zuen, baina futbolari lotuta jarraitu zuen, epaile-lanetan. Bilbon hil zen 1961eko maiatzaren 2an, 69 urte zituela. Unique in the Team, Unique in the world.