Lezama: Atezain modernoaren aitzindaria

Raimundo Perez Lezama (Barakaldo, 1922) Athletic Cluben historiako atezain aitzindari handietako bat izan zen. Gerra Zibilean Ingalaterrara ebakuatutako ‘gerrako haurretako’ bat izan zen, eta 14 urte besterik ez zituela, Southampton taldearen harrobian hasi zen. Euskadira itzuli eta Arenas Cluben jokatu ondoren, 1940an fitxatu zuen Athleticek. 1942ko irailaren 27an egin zuen debuta, 20 urte bete gabe oraindik, eta talde zuri-gorriaren atea babestu zuen hamasei denboraldiz, 1956-1957ko denboraldira arte.

 

 

Lezama soiltasunagatik eta segurtasunagatik nabarmendu zen, baina baita Ingalaterran ikasitako jokatzeko modu berriak ekartzeagatik ere. Bere garairako aurreratua zen: oinekin jokatzen zuen, ateko marratik urrun kokatzen zen, eskuz jaurtiketa luzeak egiten zituen eta baloia kontrolpean zuela ateratzen zen areatik. Horregatik, atezain modernoaren aitzindaritzat hartzen da. 

Athleticen egon zen bitartean, bi Liga, sei Kopa, 1951ko Eva Duarte Kopa eta 1947ko Zamora saria irabazi zituen. Azkenik, Carmelo Cedrun gazteari utzi zion hasierako hamaikakoaren postua; hark Klubeko atezain handien tradizioari jarraipena eman zion. Unique in the Team, Unique in the World.