Carmelo: Garai errepikaezin bateko ‘abarkaduna’

Talde zuri-gorrian eman zituen 14 denboraldietan, Carmelo Cedrunek (Amorebieta-Etxano, 1930) 404 partida jokatu zituen eta San Mamesen ezin ezabatuzko arrastoa utzi zuen. Bere ibilbidea, batez ere 50eko hamarkadan Lezamak lekukoa utzi ondoren, Athleticen garai loriatsuenetako batean gertatu zen, Fernando Dauciken aginduetara. 

 

 

Bere palmaresean Ligako titulu bat, Kopako hiru eta Eva Duarte Kopa bat agertzen dira. 1955-1956 denboraldian nabarmendu zen bereziki, taldeak bikotea egin zuenean. 1958ko Kopako finalean Di Stefanoren Real Madrid taldearen aurka lortutako garaipenaren protagonista ere izan zen. Hamaika Abarkadunena.

Carmelo atezain ausarta, aldartetsua eta segurua zen irteeretan. Bere jardun gogoangarrienen artean, 1955ean Kubala eta 1958an Di Stefano izarren penaltiak gelditzea dago. Gainera, Espainiako selekzioarekin internazionala izan zen 15 aldiz eta 1962ko Txileko Munduko Txapelketan parte hartu zuen. Urte horretan bertan hasi zen belaunaldien arteko erreleboa, Jose Angel Iribarren agerpenarekin. Carmelok 132 partida jarraian jokatzearen markari eutsi zion, 2019an Iñaki Williamsek gainditu arte.