Athletic Clubeko poster ofizialek Pitxitxiri omenaldia egin diote San Mamesen bere bustoa jarri zeneko mendeurrenean

Athletic Clubek 2026/27 denboraldiko poster ofizialak aurkeztu ditu, eta edizio oso berezi honetan San Mameseko eta historia zuri-gorriko ikur ezagunenetako bati jarri dio begirada: Rafael Moreno Aranzadi ‘Pitxitxi’-ren bustoari. Datorren abenduaren 8an ehun urte beteko dira brontzezko busto hori jarri zenetik, Quintin de Torre eskultoreak egina, aurrelari zuri-gorri mitikoaren omenez. Busto hori Getxoko Arenas Cluben aurkako lagunarteko partida baten harira jarri zen; garai hartan ohiko aurkaria zen Arenas, eta LaLigako fundatzaile historikoetako bat. 
 

Tradizio bihurtutako omenaldia 

Bere kokapenari eta golegilearen garrantziari esker, Pitxitxiren bustoa San Mameseko ikur nagusietako bat bihurtu zen, baita talde bisitarientzako omenaldi-leku ere. Tradizioaren arabera, Katedrala lehenengoz bisitatzen duen talde bakoitzak omenaldia egiten dio aurrelariari, eta lore-eskaintza bat egiten dio bustoaren aurrean partida hasi aurretik. 

Pitxitxiren irudia ere LaLigaren historiari lotuta dago Pitxitxi Sariaren bidez, denboraldi bakoitzeko golegile onena aitortzen duen sariaren bidez. Hortaz, bere izenak San Mamesekin eta Estatuko futbolaren gol-tradizioarekin lotuta jarraitzen du, mende bat baino gehiagotan zehar Athletic Club definitu duten historiarekiko, tradizioarekiko eta balioekiko errespetua adieraziz. 
 

Belaunaldien arteko lotura 

Abenduaren 8ko efemeridea dela eta, gizonezkoen eta emakumezkoen taldeen eta Genuine Athletic Club Fundazioaren posterrek orainaren eta ondare zuri-gorriaren arteko elkarrizketa bisuala iradokitzen dute. Pitxitxiren irudia Klubaren historia eraiki duten belaunaldien arteko lotura gisa agertzen da. 

Hori guztia San Mames atzealdean dela, aurrelariaren oroimenari estuki lotutako zelaian. Bertan sartu zuen Pitxitxik 1913an estadioa inauguratu zuen gola, urteen poderioz futbolaren Katedrala bilakatuko zena. 

Posterrak urriaren 30etik aurrera jaso ahal izango dituzte Kutxabankeko bezeroek bulegoetan.



Emakumezkoen lehen taldea



Bere lehen plantillen posterrekin batera, Athleticek Genuine Fundazioarena ere aurkezten du, Klubaren harrotasuna. Ezagutu gehiago Fundazioaren proiektu honi buruz.