Kadeteak B eta CD Basconia asteburu honetan Athletic Play-n
Kadeteak B eta CD Basconia asteburu honetan Athletic Play-n
Harrobiko bi partidez gain, LaLigako 12. jardunaldian CA Osasunaren aurka jokatuko duten derbian lehen taldearen Matchday Live emango du larunbatean Sadarretik Klubaren nahierako telebistak
Athletic Play-k, Klubaren nahierako telebistak, harrobiko bi partida eskainiko dizkigu asteburu honetan zuzenean: Kadete B mailako partida eta CD Basconiaren partida, biak larunbatean eta SD Amorebietaren aurka. Horrez gain, gizonezkoen lehen taldearen ohiko Matchday Live emanaldia eskainiko du, kasu honetan ere larunbatean Sadarretik eta CA Osasunaren aurka.
Programazioa larunbatean 10:00etan hasiko da Kadete B mailako zortzigarren jardunaldiarekin. Amorebietak Lezama bisitatuko du Jon Diaz de Ceriok zuzentzen duen taldea probatzeko.
IKUSI KADETEAK B - SD AMOREBIETA
Ondoren, 16:00etatik aurrera, CD Basconia eta SD Amorebietaren arteko Bigarren Federazioko hamargarren jardunaldiko partida eskainiko du Athletic Playk.
IKUSI CD BASCONIA - SD AMOREBIETA
Amaitzeko, 17:40tik aurrera, gaurkotasunaren fokuak Sadarrera eramango gaitu. CA Osasunak eta Athletic Clubek derbi bizia jokatuko dute LaLigako 12. jardunaldian, eta Ligako hirugarren garaipena jarraian lortu nahi dute zuri-gorriek. Lehiaketa hasi zenetik egiten ari den bezala, Athletic Playk Matchday Live programa eskainiko du Sadarretik, partidaren atarikoa, kontakizuna eta protagonisten adierazpenak barne.