Víitor Martin: "Derbi bat beti da berezia"

Victor Martinek komunikabideen aurrean hitz egin du Realaren aurkako derbiaren atarian. Entrenatzaile zuri-gorriak taldearen egonkortasunaren garrantzia azpimarratu du, emaitzak gorabehera: "Uste dut hori dela gure errendimendua gero eta gehiago hobetzeko gakoetako bat".

Partidari begira, emozioak kudeatzeko beharra nabarmendu du Martinek: "Gakoa emozioek ez eramaten uztea da, kanpoko eraginetatik aldentzea eta edozein egoeratan lehiatzen jakitea da". 

Donostiako taldeari dagokionez, entrenatzaileak aurkariaren maila eta Europako azken sailkapenak emandako bultzada nabarmendu ditu: "Maila handiko jokalariak ditu, talde bikaina da. Europan kanporaketa gainditu izanak indartu egin ditu eta konfiantza eman die. Erronka zaila izango da, baina prest gaude". .