
"Ez dugu gola sartzeko irtenbiderik aurkitu"
"Ez dugu gola sartzeko irtenbiderik aurkitu"
Edin Terzićen arabera taldeak arriskua sortu du, baina ez partida irabaztea merezi izateko adina
Edin Terzićek taldearen jarduna baloratu du LaLigako 13. jardunaldiko norgehiagokaren ostean. Entrenatzaile alemaniarrak Athleticen partidaren hasiera ona nabarmendu du: "Ondo hasi gara, lehen 15 minutuetan Espanyol gure areatik urrun mantentzea lortu baitugu. Une on batzuk ere izan ditugu, buruz buruko lehiak irabaziz eta baloia galdu ondorengo presioan asmatuz".
Hala ere, Terzić autokritikoa izan da lehoiek gola sartzeko izan dituzten zailtasunen inguruan: "Ez dugu gola sartzeko irtenbiderik aurkitu. Arriskua sortu dugu, baina ez dugu partida irabaztea merezi izateko adina gol aukera sortu".
Horrez gain, entrenatzailea "etsita" agertu da Athleticen jokoaren beste alderdi batzuekin: "Ez nago pozik taldearen erdiraketen kalitatearekin, eta ez dugu jakin baloia berreskuratu dugun egoerak aprobetxatzen. Partidetan aurrea hartzeko gai den taldea izan nahi dugu, eta gaur ez gara horretarako gai izan. Gainera, talde osoa izan behar dugu, etxean zein etxetik kanpo irabaztea garrantzitsua baita".
Erlazionatutako partidak
Athletic Club - RCD Espanyol


