Garathuz Proiektua

Garathuz Proiektuak futbolaren ikuspegi holistikoa irudikatzen du gure Klubean. Harrobiko proiektu horren helburua ez da soilik jokalariak bikaintasunean eta goi errendimenduan trebatzea, baizik eta pertsona konprometituak, baloreak, kultura eta prestakuntza sendoak dituztenak. Zalantzarik gabe, eredu berritzailea da oinarrizko kirolaren munduan, non arrakasta ez den soilik goletan neurtzen, baizik eta baita inpaktu pertsonalean eta komunitatean ere.

· Teknika edo taktikaz gain, harrobiaren hazkunde pertsonala, komunitarioa eta akademikoa lantzen ditu.

· Jokalari kontzienteak, arduratsuak eta ingurunearekin lotura dutenak sustatu nahi ditu.
 

Zergatik?

Pertsonen prestakuntza: Garathuz-ek jokalariak kirolari gisa garatzearen alde egiten du, harrobitik kirol alderdiez haraindiko prestakuntza kontuan hartuz.

Garapen-tresnak: gure jokalariek aurre egin behar dieten testuinguruak eta errealitateak ezagutzea.

Athleticen balioak: Kide izatea, erantzukizuna, berdintasuna eta kontzientzia soziala sustatzen ditu, klubaren filosofia islatuz.

Garapen Iraunkorreko Helburuak: 2030 Agendaren ildotik, GJH 4 (kalitatezko hezkuntza) eta GJH 5 (genero-berdintasuna) indartzen ditu.

 

Nola funtzionatzen du?

Curriculum-ibilbidea etapaka: Jarduerak talde bakoitzaren adinaren eta prestakuntza-etaparen arabera diseinatuta daude. Bost helburu-multzo daude, eta adinaren arabera landuko dira, arian-arian: kimuak, haurrak, kadeteak, gazteak eta profesionalen aurreko taldeak:

- Ni-aren ezagutza, konfiantza eta mugimendua
- Aniztasuna eta inklusioa
- Orientazioa eta plangintza akademikoa
- Autozaintza, osasun mentala eta goi errendimendua
- Orientazioa eta ekintzailetza

Hainbat jarduera, hala nola:
- Nutrizio jasangarriko tailerrak (adibidez, "Gol bat jarri elikagaiak alferrik galtzeari")
- Prestakuntza eta laguntza proiektu sozialetan, hala nola Athletic Club Fundazioan
- 5-17 urte bitarteko talde mistoak, jokalarien bisitarekin
- Ikasketa dualari buruzko jardunaldietan parte hartzea, ikasketak eta goi errendimenduko kirola bateragarri egiteko

Harrobiaren inplikazioa:
Talde bakoitzak gizarte-, kultura- edo ingurumen-proiektuetan laguntzen du, eta bidelagunen laguntza jasotzen du.
 

Eragina eta zifrak 
 

 

Ikuspegi integral

Kirol-errendimenduan arreta jarriz, balioetan, kulturan eta garapen pertsonalean oinarritutako prestakuntzarekin osatzen da.

 

Lotura soziala

Harrobia komunitatera, kolektibo kalteberetara eta ingurunera hurbiltzen dute, Athletic Club Fundazioarekin egindako proiektuen bidez.

 

Nortasuna indartzea

MEuskal kulturarekiko, euskararekiko, ingurumenarekiko eta garapen iraunkorrarekiko konpromisoaren bidez.