Deportivo Abanca - Athletic Club
- 31' Ainoa
- 33' (p.),65' (p.) Athenea
KokapenaCiudad Deportiva , Abegondo
Porrota Deportivo Abancaren aurka azken jardunaldian
Iturregiren neskek 3-0 galdu zuten Abegondon, 11 metroetatik bi gol jasota
Athletic Clubek galdu egin zuen denboraldiko azken partidan Deportivo Abanca taldearen aurka. Markagailuak 3-0ekoa adierazi zuen partiduaren amaieran, eta denboraldi luze bati amaiera emateko balio izan zuen.
Lehen zatia nahiko trabatua eta zehaztugabetasun askokoa izan zen. Maria Diazek jaurtiketa bat baino ez zuen egin area kanpotik, eta Pekek beste bat atezainak urduritzeko. Hori bai, Manu Sanchezen neskek hainbat akzio izan zituzten geldikako jokaldietan eta korner batean Ainoak buruz errematatu zuen ordu erdira Andere Leguina gainditzeko. Hiru minutu geroago, epaileak penaltia adierazi zuen Oihane Hernandezek area barruan baloia eskuarekin ukitu ondoren. Atsedenaldia baino lehen, Azkonak izan zuen aukerarik onena, Oihane Hernandezen erdiraketa errematatu ostean.
Bigarren zatian Iraiak aulkia mugitu zuen eta taldea bertikalagoa izaten saiatu zen. Hala ere, 65. minutuan beste penalti batek kondenatu zituen lehoiak, kasu honetan Morazaren eskuagatik. Athenea aurrelariak 11 metroetatik gola sartu zuen. Garazik, denborak ezin hobeto markatuz, korner batean, errematea Sullastresen eskuetara bidali zuen. Minutuak, pixkanaka, igaroz joan ziren eta Iturregiren neskek ez zuten Abegondon gola sartzea lortu. Aranak tiro bat zutoinera bidali zuen 90. minutuaren inguruan.
Partida 3-0ekoarekin bukatu zen eta galiziarrek ikusleen aurrean garaipena lortuta agur esan zioten mailari. Lehoiek bihar hasiko dituzte oporrak, datorren denboraldiari aurre egiteko pilak kargatzeko gogoz.
