Athletic Club VS SD Eibar 2021-1-10 | Athletic Clubeko Webgune Ofiziala
15. Jardunaldia

Athletic Club0 : 1SD Eibar

S. Navarro90'(p.)
Laburpen bideoa
Estadioa
Lezama 2
Herria
Lezama
Data
10/01/2021
Ordua
12:00
Data eta ordua
2021-1-10 - 12:00

Zori txarra lehoientzat Eibarren aurka

Iraia Iturregiren taldeak 0-1 galdu du, Sara Navarrok penaltiz gola sartu ondoren, bigarren zatian abagune argiak izan dituen arren

2021ko urt. 10a

Athleticek porrota jaso zuen Lezaman, Iraia Iturregiren debuta izan baitzen zurigorrien aulkian. Berriro ere, eta oso modu krudelean, lehoiak penaltiz jaso zuten porrota. 89. minutuan, Sara Navarrok penaltiz gola egin zuen talde armaginarentzat.

Bigarren minutuan, Yulemak Noeliaren irteera bat aprobetxatuz markagailua irekitzeko aukera izan zuen, aldaratzea ez zuen gutxigatik baliatu aurrealdeak. Ondoren, Eibarrek Thembiren bitartez barkatu zuen, aukera bikoitza baten bitartez, lehenengo zutoinarekin egin zuen topo eta ondoren De la Navaren gorputzarekin. Atezainak Sara Navarroren jaurtiketa batekin ere lan egin behar izan zuen.

Bigarren zatian, Sheila Elorzak langa jo zuen 50. minutuan. Atheticek, orduan, Lucia Garcia izan zuen erreferentzia ezker hegalean. Bigarren zatiak zurigorri kolore argia izan zuen. 62.ean, Luciak gol aukera garbia izan zuen eskuinarekin, baina bere jaurtiketa gora joan zen. Hiru minutu geroago, Yulemarekin pareta handi batean, barkatu egin zuen Noeliarekin buruz burukoan. 77.ean, talde armagina jokalari bat gutxiagorekin geratu zen Ane Perezek bigarren txartel horia ikusi zuelako. 87. minutuan Vanesa Gimbertek zutoina jo zuen korner batean. Vanesak berak penaltia egin zion Thembiri 90. minutuan. Zori txarra izan zuten lehoiek. Sara Navarrok 89.ean penaltia sareratu zuen.

Askoz gehiagorako denborarik gabe, Iker Dorronsororen taldeak garaipena lortu zuen. Zurigorriek agindu zuten bigarren zatian, baina saiakera guztiak egin arren, hiru puntuak Eibarrera joan dira.