Granada CF - Athletic Club

Athleticek porrota jaso du Granada CFren aurka F Ligako bigarren itzuliari hasiera eman zion jardunaldian bi goleko aldeagatik. Lehoiek laster jaso zuten lehen gola eta, aurkako penalti bat ere jaso ondoren, ezin izan zuten aterik ikusi 90 minutuetan.

Isa Alvarezen gola, 8. minutuan, izugarrizko kolpea izan zen. Defentsak urrutitik jo zuen, Quiñones aurreratuta zegoela aprobetxatuz, eta atezaina ezustean harrapatu zuen. Azkar suspertu zen Athletic, eta aukera ona izan zuen Jone Amezagaren botetan. Sandrak, etxeko taldearen atezainak, aurrelariaren gola saihestu zuen buruz-buru egindako jaurtiketa batean. 

Lehoiek berdinketa lortzeko aukera gehiago izan zituzten: Landaluzek korner batean eta Nahikarik Amezagaren pasearen ostean. Hala ere, Athletic esku-hutsik joan zen lehen zatian. Ornellak bigarren gola sartzeko abagune ona izan zuen ere atsedenaldiaren aurretik.

Atsedenaldiaren bueltan, zuri-gorriek aurkariak menderatzen jarraitu zuten eta gero eta gehiago inguratu zituzten bere zelai inguruan. Hala ere, 60. minutuan Athleticen kontrako penalti zalantzagarria adierazi zuen epaileak. Naimak errenta handitu zuen Granadarentzat hamaika metroetatik.

Lehoiak saiatu ziren, baina Athleticentzat ez zen zorterik izan ate aurrean, eta UD Tenerife kanporatzea besterik ez du buruan asteazkenean, Lezaman, Kopako final-laurdenetan. Kopako partida 18:30ean jokatuko da eta David Aznarren taldeak finalerdietarako txartela nahi du. Datorrenean ehuneko ehunean zentratuta.