SD Leioa - Athletic Club

Edin Terzicen taldeak ederki gozatu du Leioan, eta itxura ona eman du herriaren 500. urteurreneko partidan. Kolore guztietako golekin lortutako garaipen zabalak, aurreko denboraldiarekin alderatuta guztiz berritu eta gaztetu den SD Leioaren aurka. 0-11ko emaitza erabatekoa izan da.

Athleticek gol-festa izan du lehen zatian, zazpi gol sartuta; eta gehiago ere izan zitezkeen. Guruzetak (3), Robert Navarrok (2) eta Djalók (2) banatu dituzte golak. Azken honek berriro erakutsi du bere maila, eta langara ere bidali du jaurtiketa bat. Gainera, Sancetek beste gol bat lortu du, baina epaileak baliogabetuta.

Bi taldeen arteko erritmo eta joko alde handia agerikoa izan bada ere, bigarren zatiak erakutsi du ez dela hain erraza izan lehen zatiko eraginkortasun maila bera mantentzea. Berenguerrek sarean sartu du Hierrok utzitako baloia, 0-9koa Gift-en jokaldi baten ostean iritsi da, Leioako atzelari batek bere atean sartu baitu baloia, eta azken ukitua Hierrok eman dio, bere gol bikoitzarekin: lehen gola indar erakustaldi baten ostean iritsi da, eta bigarrena Gift-en kontraeraso batean, Basauriko jokalariak amaitu duena.