Bilbao Athletic VS Real Unión 2021-1-10 | Athletic Clubeko Webgune Ofiziala
11. Jardunaldia

Bilbao Athletic0 : 0Real Unión

Laburpen bideoa
Estadioa
Lezama 2
Herria
Lezama
Data
10/01/2021
Ordua
18:00
Data eta ordua
2021-1-10 - 18:00

Bilbao Athleticen berdinketa Real Union zail baten aurka

Lehoikumeek lider bukatu dute lehen itzulia SD Amorebietarekin berdinduta

2021ko urt. 10a

Bilbao Athleticek hutsean berdindu du Lezaman Real Unionen aurka. Irundarrak Joseba Etxeberriaren taldeak jasotako aurkari zailenetako bat izan dira. Oso aukera gutxiko partida izan da, kanpokoek amaiera sustoa emanda, gainera. Agirrezabalak ondo zapuztu du Capeleteren bolea. Lehoikumeak lider dira lehen itzuliaren amaieran, baina orain SD Amorebietarekin berdinduta daude.

Lehen zatian Caboren aukeraz gain, Irazustak ondo gelditutakoa, Bilbao Athleticek ia ez du atea aurkitu. Aukera hori eta Baquek korner batean egindako burukada, Artola mirariz iritsi ez zena, izan dira abagunerik argienak. Nico Williamsi gol bat baliogabetu diote azkenean jokoz kanpo egoteagatik, baina argia zirudien.

Real Unionek azken sustoaz aparte beste pare bat aldiz probatu duAgirrezabala eta ez da inoiz berdinketarekin konformatu. Viguera lehoi ohia urrutitik egindako jaurtiketa loratu batekin saiatu da, baina kanpora atera da. Bidezko puntu-banaketa.