Bilbao Athletic VS Extremadura UD 2022-1-22 | Athletic Clubeko Webgune Ofiziala
19. Jardunaldia

Bilbao Athletic3 : 0Extremadura UD

Paredes53'
Malcom68'(p.)
Malcom73'
Estadioa
Lezama 2
Herria
Lezama
Data
22/01/2022
Ordua
19:00
Data eta ordua
2022-1-22 - 19:00

Bilbao Athleticen garaipen garrantzitsua Extremaduraren aurka

Lehoikumeak jaitsiera postuetatik irten dira aldi baterako, hasieratik bukaerara nagusi izan den partidan gailendu ondoren

2022ko urt. 22a

Bilbao Athleticek argi eta garbi gainditu zuen Extremadura eta jaitsiera postuetatik irten da. Lehoikumeeak jaun eta jabe izan ziren hasieratik bukaerara eta Paredesen eta Malcomen, bi aldiz, golek euren lan ona berretsi zuten eta jokoan zeuden hiru puntuak Lezaman gelditu ziren.

Hala ere, Patxi Salinasek zuzentzen duen taldeari kosta egin zitzaion markagailuan aurreratzea. Aukera ugari izan zituzten lehen zatian, baina Guillen atezainak bisitariak aldageletara desabantailan joatea saihestu zuen. Aritz Pascualek, Luis Bilbaok, Artolak eta Gerenabarrenak izan zituzten abagune nabarmenenak.

Gol guztiak atsedenaldiaren ondoren etorri ziren. Paredesek, buruz korner baten ostean, kanpoko taldearen atea zulatu zuen.. Handik gutxira, epaileak penalti bat adierazi eta Malcomek maisuki sartu zuen. Malcom ere behin betiko emaitzaren egilea izan zen. Bigarren taldearekin golegile moduan estreinatu zen aurrelaria.

Garaipen baltsamiko honi esker, zuri-gorriek konfiantza handiagoarekin ekingo diote hurrengo jardunaldiari asteartean, 19:00etan, Lezaman, Cultural Leonesaren aurka.