Bilbao Athletic - Dux Internacional

Puntuak Lezaman geratu dira. Bilbao Athleticek Madrilgo DUX Internazionalari irabazi zion Artolaren golari esker, penalti puntutik. Lehoikumeek garaipena lortu zuten partida sendo baten ondoren, jarraian erdietsitako hirugarrena. Bost norgehiagok jarraian galdu gabe daramatza Patxi Salinasen taldeak.

Lehen zatia berdindua izan zen, nahiz eta zuri-gorriek aurrea hartzeko aukera garbienak izan zituzten. Markagailua ireki nahian, Paredesek, buruz, eta Nuñezek, Badiashilek urrundu zuen jaurtiketa batean, Bilbao Athletic aurretik jartzeko aukera izan zuten, baina ez zuten lortu.

Bigarren zatian, arriskuko lehen jokaldian, Patxi Salinasek zuzentzen duen taldearen gola iritsi zen. DUX-en defentsaren eskuan argi eman zuen eta epaileak penaltia adierazi zuen. Artolak ez zuen barkatu eta abantaila eman zien lehoikumeei. Bilbao Athleticek ezin hobeto kudeatu zuen abantaila. Izan ere, Patxi Salinasen mutilek hainbat aukera izan zituzten errenta handitzeko eta defentsan bikain moldatu ziren. Ofiziozko garaipena, sailkapenean eskalatzen jarraitzeko eta sentsazio onei jarraipena emateko.