Talavera de la Reina - Bilbao Athletic

Bilbao Athleticek ez du punturik lortu Talaverari egindako bisitan. Etxekoek lehen zatian erabaki zuten partida, hiru gol sartuta. Rodrigo, Pichín eta Toño Calvo izan ziren golegileak lehen zatian, eta, ondoren, Bourdalek gola sartu zuen bigarrenean, hiru puntuak itxi eta sailkapeneko beheko aldea gehiago estutzeko.

Bere zaleek bultzatuta, Talavera intentsitate handiagoarekin irten zen zelaira eta laster lortu zuen markagailua irekitzea. Hala ere, partida irekita hasi zen eta bi taldeek aurrea hartu ahal izan zuten. Etxekoen aldetik, Gongorak zutoinarekin topo egin zuen falta jaurtiketa batean eta, lehoikumeen aldetik, Sousa atezainak geldiketa bikaina egin zuen area barruan jokaldi paregabea egin zuen Luis Bilbaori. Zuri-gorriek izan zuten abagune bakarra izan zen. Talaverak tokia hartu zuen zelaian eta partida erabakita utzi zuen. Lehenengo, Rodrigok; gero, Pichinek eta lehen zatiaren amaieran Toño Calvok errenta handia erdietsi zuten etxekoentzat.

Bigarren zatian, Bilbao Athleticek erreakzioa bilatu zuen, baina aldaketek eta aukera urriek ez zuten eraginik izan. Bourdalek, falta jaurtiketa baten irteeran, eguneko laugarren eta azken gola sartu zuen. Salbazioaren bidea oraindik aldapatsua da, Talaveran frogatu den bezala, baina indarberritu eta sentsazio onetara itzuli behar da. Lehoikumeak datorren igandean Lezaman Tudelanoren aurka gaurkoa ahazten saiatuko dira.