Thinking Football Film Festival

Athletic Club Fundazioak eta Sala BBK Aretoak, Bilboko Udalaren babesarekin, Thinking Football Film Festival Zinema-Jaialdiaren bigarren edizioa aurkezten dute. Hurrengo maiatzean (1ean, 8an, 15ean, 22an eta 29an), ostegunero, BBK Aretoan gauzatuko da, oro har futbolak gizartearekin duen harremanaren inguruko hausnarketa sakona egiteko balio duten herrialde desberdinetik (Ingalaterra, Suedia, AEB eta Italia) datozen hamar filma emango dira. Aurreko edizioarekin konparatuz, aurtengo berritasunik handiena fikziozko filmak emango direla da, bi filma aurkeztuko dira hain zuzen ere.

Zinema-Jaialdia maiatzaren 1ean, “The Class of 92” filmarekin inauguratuko da, non mundu mailako futbolaren belaunaldi apartakoaren historiari, the “Fergie Boys” (David Beckham, Nicky Butt, Paul Scholes , Neville anaiak eta Ryan Giggs) gainbegiraketa bat ematen zaio, eta amaiera “Next Goal Wins”-en proiekzioarekin gauzatuko da, 2014 Munduko txapelketaren sailkapenetan, Amerikar Samoako selekzioa munduko eskasena izateari uko egitea nola lortu zuenaren historia paregabekoa hain zuzen ere. Bi filmak estreinakoz emango dira Estatu mailan.

Zinema-Jaialdiaren zehar, aurkeztutako zenbait filmen zuzendari edo protagonisten presentzia gauzatuko da.

Iragan edizioan gertatu zen bezala, Jendartekoaren Saria filmarik onenari emango zaio, eta zuzendariak jasotako dirua kirolarekin lotura duen gizarte egitasmo batera eman beharko dio.

Thinking Football Film Festival-ek Barcelo Bidaiak, Aranzazu Hotelak, Metro Bilbao, Panenka Aldizkaria, Líbero aldizkaria, Madrilgo Italiar Kultura Institutua eta Off Side (Bartzelona) eta 11mm Film Festival (Berlin) kide diren zinema-jaialdien laguntza eskuzabala du.

Proiekzio guztiak BBK Aretoan gauzatuko dira, edukiera bete arte sarrera doan izango da.