“Garaipenak beti suspertzen du”

Athletic Clubek bihar eguerdian jokatuko du RCD Espanyolen aurkako Primera Iberdrolako 7. jardunaldia Dani Jarque Kirol Hirian. Bidaiatu aurretik, Angel Villacampak partida aurreko prentsaurrekoa eskaini du Lezaman eta horrela baloratu du biharko aurkaria: “Primera Iberdrola nolakoa den ikusten ari gara, ez dut uste taulak lasaitzeko aukera emango digunik, une on batetik pasatzen ari ez diren arren. Final baten moduan hartuko dutela ikusten ari gara; etxean jokatuko dute, ezertarako ez da erraza izango“.

Reale Arenan garaipena lortu zuenetik taldea beste bat izaten ari dela uste du Villacampak: “Anoetan eta Betisen aurkako partiduan taldearen minutu oso onak ikusi genituen une askotan eta gainontzekoak ez ziren nahi bezain onak izan, baina bilatzen ari garen nortasun horretara iristen goaz“.

Hitzarmenari buruz galdetu diotenean, honako hausnarketa hau egin du: “Dagoeneko existitu behar du, denbora nahikoa da emakumeek egoera honengatik borrokan daramatena. Zorionez, gu gauden klubean babestuta daude eta ondo daude. Talde bakoitzean arautuz joan beharko litzatekeen egoera da: bidea klub hau egiten ari dena da. Uste dut ez dela grebarik egongo, akordio horretara iritsiko dela, gelditzeak ez dio inori mesederik egiten“.

Entrenatzaile zuri-gorriak min hartuta dauden Jone Ibañez eta Nekane galdu ditu, baina Lucia Garcia eta Yulema Corres berreskuratu ditu. Horrela, 18 jokalari hauek osatzen dute zerrenda: Ainhoa Tirapu, Ainhoa Moraza, Andrea Sierra, Andrea de la Nava, Garazi Murua, Damaris Egurola, Maria Diaz, Maite Oroz, Yulema Corres, Eunate Arraiza, Marta Unzue, Lucia Garcia, Marta Perea, Leia Zarate, Vanesa Gimbert, Ane Azkona, Oihane Hernandez eta Oihane Valdezate.