“Irabazi nahi genuen, eta sentsazioa da egin genezakeela”
“Irabazi nahi genuen, eta sentsazioa da egin genezakeela”
Gaizka Garitanok aitortu du ez duela jokalaririk “pozik” ikusi Bartzelonan 1-1 berdindu ondoren
Athletic Clubek 1-1 berdindu du etxetik kanpo RCD Espanyolen aurka LaLiga Santanderreko 21. jardunaldian. Berdinketaren ostean, Gaizka Garitanok aipatu duenez, “irabazi nahi genuen, eta sentsazioa da egin genezakeela; ez dut jokalaririk pozik ikusi aldagelan“. Entrenatzaile zuri-gorria ere atsekabetuta agertu da Ligako azken bi jardunaldietako emaitzengatik, biak berdinketarekin amaitu eta gero.
Partidari dagokionez, Garitanok esan duenez “sistema honek asko ematen digu, ez bakarrik defentsan. Ez dugu atzerapausorik eman, baina haiek ere, aldaketekin, jokalariak aurreko aldean jarri dituzte, gol aukera asko ere sortu ez dituzten arren“.
“Partidarako geneukan plana ondo atera da, jokalarien meritua da, taldea oso lehiakorra da baina badago hobetu beharreko tarte bat. Azken paseetan ezin dugu hainbeste huts egin; azken pase horretan gola egin behar duzu Lehen Mailan“.
Datorren asteartean Tenerifen dagoen Kopako hitzorduari buruz galdetu diotenean, Garitanok aitortu duenez “indar eta abiadura apur bat falta zitzaigun; mundu osoan konfiantza dut, jokalari guztiak sartzen ari dira“.