Athletic Cluben komunikatu ofiziala
Athletic Cluben komunikatu ofiziala
LaLigak jakitera eman duenez, hurrengo bi jardunaldiak ateak itxita jokatuko dira, eta horrek martxoaren 15eko Athletic-Atletico Madril partidari eragingo dio
LaLigak ofizialki jakinarazi dio Athletic Clubari liga txapelketako hurrengo bi jardunaldiak, Athletic-Atletico Madril eta Eibar-Athletic partidak hain zuzen ere, ateak itxita jokatuko direla, publikorik gabe.
Egoera horren aurrean, Athletic Clubeko Zuzendaritza Batzordeak honako hau erabaki du:
1.- Bazkideei Klubaren egun erdia gisa izendatutako Atletico Madril eta Real Madrilen aurkako partidetarako ordaindutako diru kopurua berehala itzultzea, edo hala badagokio, Atletico Madrilen aurkako partidarako banaka eskuratutakoa. Klubak laster jakinaraziko du hori gauzatzeko prozedura.
2.- Nahiago izan ezkero, bazkideek Klubeko egun erdiko abonoak mantendu ahal izango dituzte, 2020an klubari laguntzeko beste partida bat izendatu arte.
3.- Athletic Clubek, egoera berri honek eragozten ez badu, klubaren beste Egun Erdia mantenduko du Real Madrilen aurka eta hurrengo denboraldiko egutegia ezagutu ondoren, 2020ko azken lau hilabeteetan bazkideek ordaindu beharreko beste partida bat izendatu ahal izango du.
2020ko abuztutik abendura bitartean beste Klubaren Egun Erdirik izendatzen ez bada, Athletic Clubek diru hori bazkideei itzultzeko aukera eskainiko du, edo bazkideak nahiago badu, 2021eko urteko kuotaren ordainketatik deskontatuko da.