De Marcosek kontratua berritu du denboraldi baterako
De Marcosek kontratua berritu du denboraldi baterako
Guardiako futbolariak ekainaren 30ean amaitzen zuen bere lotura, eta partida kopuruan hamabosgarren lehoia da
Athletic Clubek eta Oscar de Marcos futbolariak 2022ko ekainaren 30era arte kontratua luzatzeko akordioa lortu dute. Akordioaren arabera ez da etete-klausularik izango.
De Marcos 2009-10 denboraldian iritsi zen Lezamara eta gaur egun hamabigarren denboraldia betetzen ari da lehen taldean. Denboraldi horretan bertan egin zuen debuta Europa Leagueko kanporaketa batean Young Boys suitzarraren aurka. 32 urte betetzeko hiru hilabete falta direla, Guardiakoak 410 partida jokatu ditu dagoeneko, eta, ondorioz, Athleticen historiako hamabosgarren postuan dago, Top Ten zerrenda ixten duen Canitok jokatutako 434tik 24 partidara.
Egungo lantaldeko kapitain eta jokalari enblemetako bati buruz ari gara, beraz, protagonismo handia du. Aurten, Ligako hamar partida eta Superkopako biak jokatu ditu orain arte. Bere ibilbidean daramatzan 34 goletatik bi sartu ditu aurtengo denboraldian. Azkena Getaferen aurka izan zen San Mamesen eta aurrekoa funtsezkoa izan zen, non eta Superkopako finalean, Griezmannen lehen golaren ondoren partida berdindu zuena.
Oscar de Marcosek prentsaurreko telematikoa emango du gaur 17:00etan hedabideen aurrean, talde zuri-gorriaren arratsaldeko entrenamenduaren aurretik.
Erlazionatutako jokalariak
