Erika Vazquez, historia egin duen lehoia
Erika Vazquez, historia egin duen lehoia
Aurrelariaren ibilbideari buruzko azken bideoak urrezko amaiera eman dio Athletic Cluben egindako 17 kanpainako ibilbideari
Zaila egiten da Erika Vazquez gabeko Athletic irudikatzea, baina duela astebete pasatxo klubaren historian partida gehien jokatu dituen futbolariak Lezamako prentsa aretoan egin zuen bere agurra. 17 denboralditan lehoi gisa aritu ondoren, gainditzeko oso zaila den ibilbidea gauzatu du, bain Erikak Klubean zuen etapa amaitzear da. 423 partida jokatu dira, 264 gol (azkena azken partidan sartu zuen) eta ligako hiru titulu eskuratu ditu. Edozein futbolarik ez ditu zifra horiek lortzen, golegileak sekulako arrastoa utzi du emakumezkoen futbolean.
39 urterekin, nafarrak atzera begiratu eta baloiarekin maitemindu zen lekua erakutsi digu. Barañainen jakin zuen egunen batean futbolaria izango zela eta SD Lagunaketik pasa ondoren Lezamara joan zen. Blas Vazquezek, Erikaren aitak, oroitzapen, sari, domina, bota, baloi… ugari gordetzen ditu museo xume batean. Beti golaren sinonimo izan den jokalari baten bidea markatu duten oroigarriak.
“Etxeko lanak egin ditudalaren sentsazioarekin noa, lasai eta pozik”, dio futbolari ohiak. Gutun baten bidez, Erikak elezaharrek soilik osatu dezaketen ibilbide baten bideo bat errepasatu du.