5.330 gaztek eman dute izena Gazte Abonoa lortzeko

2022/23 denboraldian Gazte Abonoa izateko izen-ematea uztailaren 25ean, asteartea, 18:00etan itxi da harrera bikainarekin: 14 eta 28 urte bitarteko 5.330 gaztek eman dute izena.

Klubak eskainitako bi abono-tipologien barruan, 1.451 izen-emate guztira Bikain abonorako izan dira (gainera, Emakumezkoen eta Bilbao Athleticen partidetara joateko aukera ematen du, baita etorkizunean bazkide izaterako orduan hasierako kuotan 100 euroko deskontua ere). Horrela, bihar (13:00) egingo den zozketarako 549 plaza daude, gainerako 3.879 izen emateen artean egingo dena. Zozketan parte hartuko duten abono horiek tipologia arruntekoak dira edo bi motak nahasten dituzten eta lehentasunik ez duten taldekoak, oinarrietan ezartzen zen bezala.

Izena eman duten 3.879 horiek bihar, asteazkena, goizeko 10:00etatik aurrera posta elektroniko bat jasoko dute gainerako 549 plazen zozketan parte hartzeko. Zozketan 1.452 eta 5.330 bitarteko zenbaki bat aterako da, eta atera ondorengo 548 zenbakiek Gazte Abonoa bat izateko eskubidea izango dute.

Behin puntu hori baieztatuta, ostiralean bigarren zozketa bat egingo da 2.000 saridunen artean (abono normalak eta Bikain abonoak), eserlekua aukeratzeko lehentasun-ordena ezartzeko. Zozketa honetan ez da inolako lehentasunik egongo abono motaren arabera. Zozketa honetarako zenbakia (1etik 2.000ra) ostiral goizean, hilak 29, bidaliko da posta elektronikoz.

Ordena zehaztu ondoren, aukeratze-prozesua Klubaren webgunearen bidez egingo da abuztuaren 1etik aurrera, 400 laguneko blokeetan. Taldeen kasuan, taldeko liderrak saio bakar batean eman beharko ditu izena eta ordaindu beharko ditu bere talde osoaren ordainketak.

Herri Harmailaren arrakasta

Bi modalitateetan Gazte Abonoa eskuratzeko izena eman dutenen kopuruak berretsi baino ez du egiten Herri Harmaila bat sortzeko beharra, gazteenak San Mamesera sartu ahal izateko, Klubarekin konektatzeko eta, aldi berean, futbol zelaian animazioa handitzeko.

Helburua da gazteenek Athletic Club San Mamesen ikustea eta esperientzia 320 eurotik aurrera bizitzea. Aurten, gainera, Emakumezkoen Athletic eta Bilbao Athletic taldeen partidetara Bikain modalitatearen bidez joatea bultzatu nahi izan da, bakarrik 100 euro gehiagoren truke bi taldeak ikusteko aukera ematen baitu. Eta, gainera, etorkizuneko bazkideen harrobi bat sortzeko asmoz egin da, hasierako sarrera-kuotatik kenduko baitzaie zenbateko hori, Klubean elkartzean. Denboraldia amaitzean, klubak zehatz-mehatz aztertuko du modalitate horrek hurrengo edizioetan izango duen eragina.

Athletic Clubetik, izen-emate kopuru handia sortutako ilusioaren erakusgarritzat jotzen dugu, eta horregatik, zozketaz Gazte Abonoa erosteko aukerarik izango ez duten pertsonei eskaini beharreko neurri sorta bat diseinatzen ari gara, eta, horrekin batera, klubera konektatzen eta San Mamesera joaten laguntzen.