Matik, One Club Woman 2023-ak, San Mameseko txaloak jaso ditu

Matilde Martinezek, Matik, One Club Woman 2023 saria irabazi duela egiaztatzen duen garaikurra jaso zuen Athletic Cluben eta Real Betisen arteko partidako atsedenaldian. Katedralak txalo-zaparrada ederra eskaini zion Fundacion Albaceteko kapitain ohiari, berdegunera irten zenean, bere kirol-ibilbidearekiko oniritziaren eta aintzatespenaren erakusgarri. 14 urte zituenetik 34 urtetara arte, Matik “Funda”ko kolore zuriak defendatu zituen, eta mito bihurtu zen Mantxako klubarentzat. Gainera, erdilaria aitzindaria izan zen emakumezkoen futbolaren profesionalizazioaren defentsan, eta baloiarekiko grina erizain lanbidearekin aldi berean uztartu zuen, bizitza aurrera ateratzeko.

Beste mito batek, kasu honetan Athleticekoa, Eli Ibarrak, One Club Woman 2023 garaikurra eman zion Matiri. Jokalari zuri-gorri ohiak Athletic Club Emakumezkoen Haur taldeko futbolari bat izan zuen lagun berdegunean. Saria eman ondoren, Mati palkora itzuli zen, eta bertan 1983an Ligako titulua irabazi zuen taldearekin ikusi zuen partida. 

Ordu batzuk geroago, Matik Lezama bisitatu zuen, Katedraleko soropilean saria jaso izanaren zirraraz. Bertan, azken urteetan egindako hobekuntzak egiaztatzeaz gain, Athletic Clubeko emakumezkoen lehen taldeko kideak eta talde teknikoa agurtu ahal izan zituen. Talde hau, gehienbat, futbolari gazteek osatzen dute, urte batzuk lehenago eta beti kolore batzuetara fidelak izanda, Matilde Martínez "Mati" bezalako erreferenteek ireki zuten bidea jarraituz.